Header Ads

Ads Bar

இலங்கையில் அவசரகால சட்டம் மேலும் ஒரு மாதம் நீட்டிப்பு

இலங்கைபடத்தின் காப்புரிமைGETTY IMAGES
இலங்கையில் அவசர காலச் சட்டத்தை மேலும் ஒரு மாத காலத்திற்கு நீடிப்பதற்கான அதிவிசேட வர்த்தமானி அறிவித்தல் வெளியிடப்பட்டுள்ளது.
பொதுமக்கள் பாதுகாப்பு கட்டளைச் சட்டத்தின் இரண்டாவது சரத்திற்கு அமைய ஜனாதிபதி வசம் காணப்படுகின்ற அதிகாரத்திற்கு அமைய இந்த வர்த்தமானி வெளியிடப்பட்டுள்ளது.
இந்த வர்த்தமானியின் படி, நாடு முழுவதும் அவசர காலச் சட்டம் மேலும் ஒரு மாத காலத்திற்கு நடைமுறையில் இருக்கும் என அறிவிக்கப்பட்டுள்ளது.
இலங்கையில் கடந்த 21ஆம் திகதி நடத்தப்பட்ட பயங்கரவாதத் தாக்குதலைத் தொடர்ந்து, கடந்த ஏப்ரல் மாதம் 24ஆம் திகதி அவசர காலச் சட்டத்தை அமல்படுத்த நாடாளுமன்றம் அனுமதி வழங்கியிருந்தது.
இதன்படி, இலங்கையில் இடம்பெற்ற உள்நாட்டு யுத்தம் நிறைவடைந்ததை தொடர்ந்து, இலங்கையில் அமல்படுத்தப்பட்ட அவசரகால சட்டம் அப்போதைய ஜனாதிபதி மஹிந்த ராஜபக்ஷவினால் நீக்கப்பட்டது.
எனினும், இலங்கையில் ஏப்ரல் மாதம் 21ஆம் தேதி நடத்தப்பட்ட பயங்கரவாதத் தாக்குதலை தொடர்ந்து, 9 வருடங்களுக்குப் பின்னர் மீண்டும் அவசர கால சட்டம் அமல்படுத்தப்பட்டது.
இலங்கைபடத்தின் காப்புரிமைGETTY IMAGES
இந்த அவசர காலச் சட்டத்தின் கீழ், பொலிஸாருக்கு மாத்திரம் இருந்த பல அதிகாரங்கள் தற்போது முப்படையினர் வசமாகிறது.
இந்த நிலையில், நாட்டின் பல பகுதிகளில் தொடர்ந்தும் முப்படை சோதனை சாவடிகள் அமைக்கப்பட்டு, சோதனை நடவடிக்கைகள் தொடர்ந்தும் முன்னெடுக்கப்படுகின்றன.
அவசர காலச் சட்டத்தின் கீழ் கைது செய்யப்படும் ஒருவருக்கு விசாரணைகள் நிறைவு பெறும் வரை நீதிமன்றத்தினால் கூட பிணை வழங்க முடியாத நிலை ஏற்படுகிறது.
மேலும், அவசரகால சட்டத்தில் காணப்படுகிற அதிகாரங்களுக்கு அமையவே, நாட்டில் கடந்த சில நாள்களாக ஏற்பட்ட அமைதியின்மையை கட்டுப்பாட்டுக்குள் கொண்டு வர பொலிஸார் ஊரடங்கு சட்டம் பிறப்பித்தது குறிப்பிடத்தக்கது.



_____Reference | Copyrights_____

Copyrights of this Post (Article & Image) belong to : https://www.bbc.com/tamil/sri-lanka-48368356

No comments

Powered by Blogger.