Header Ads

Ads Bar

குடியுரிமை திருத்த சட்டம்: ”வன்முறை தொடர்ந்தால் விசாரிக்கப்போவதில்லை” - உச்ச நீதிமன்றம்


'வன்முறை தொடர்ந்தால் விசாரிக்கப்போவதில்லை' - உச்ச நீதிமன்றம்படத்தின் காப்புரிமைREUTERS

ஜாமியா மற்றும் அலிகர் முஸ்லிம் பல்கலைக்கழக மாணவர்களுக்கு எதிராக நடத்தப்பட்ட "வன்முறை" தொடர்பாக, தாமாக முன் வந்து விசாரிக்க உச்ச நீதிமன்றம் முன்வந்துள்ளது.
ஆனால் அதே சமயம் போராட்டங்கள், வன்முறை சம்பவங்கள் தொடர்ந்தாலோ அல்லது பொதுச் சொத்துக்கு சேதாரம் விளைவிக்கப்பட்டால் தாங்கள் இதனை விசாரிக்கப்போவதில்லை எனவும் உச்ச நீதிமன்றம் தெரிவித்துள்ளது.
மூத்த வழக்கறிஞர் இந்திரா ஜெய்சிங் இன்று (திங்கள்கிழமை) தலைமை நீதி எஸ்.ஏ.பாப்டே தலைமையிலான அமர்வு முன் ஜாமியா மற்றும் அலிகர் பல்கலைக்கழக நடவடிக்கைகள் குறித்த குற்றச்சாட்டுகளை முன் வைத்தார்.
நாடு முழுவதும் மாணவர்கள் மீது கட்டவிழ்த்துவிடப்பட்ட வன்முறை உச்சநீதிமன்றம் தானாக முன்வந்து விசாரிக்க வேண்டும் என மூத்த வழக்கறிஞர் இந்திரா ஜெய்சிங் கோரினார்.
"நாடு முழுவதும் மனித உரிமைக்கு எதிரான வன்முறைகள் நடைபெற்று வருகின்றன. இந்த நாட்டில் அமைதியாக நடக்கும் போராட்டத்தை யாராலும் தடுக்க முடியாது. நூற்றுக்கணக்கான மாணவர்கள் காயமடைந்தனர். போலீஸாரே பேருந்துகளுக்கு தீவைத்து கொளுத்திவிட்டு மாணவர்கள் மீது பழி சுமத்துகின்றனர்" என்று இந்திரா ஜெய்சிங் குறிப்பிட்டார்.

'வன்முறை தொடர்ந்தால் விசாரிக்கப்போவதில்லை'படத்தின் காப்புரிமைEPA

இதனிடையே, குடியுரிமை திருத்த சட்டத்துக்கு எதிரான காங்கிரஸ் மற்றும் திரிபுராவின் முன்னாள் மகாராஜா ஆகிய தரப்புகள் தொடர்ந்த மனுக்கள் டிசம்பர் 18ஆம் தேதியன்று விசாரிக்கப்படும் என்று தெரிவிக்கப்பட்டுள்ளது.
மூத்த வழக்கறிஞர் அபிஷேக் மனு சிங்க்வி இந்த மனுவை அவசரமாக விசாரிக்க கோரினார்
ஆனால் தலைமை நீதிபதி பாப்டே மனுவின் விசாரணையை டிசம்பர் 18ஆம் தேதிக்கு ஒத்தி வைத்தார்.


No comments

Powered by Blogger.